Лінейкі да Дня ведаў у школах і гімназіях Беларусі пройдуць 2 верасня

Урачыстыя лінейкі, прымеркаваныя да Дня ведаў, у школах і гімназіях Беларусі пройдуць 2 верасня. Пра гэта паведамілі ў Міністэрстве адукацыі.

Як адзначылі ў Мінадукацыі, у 2024/25 навучальным годзе ў цэлым па краіне школы прымуць каля 1 млн. 72 тыс. навучэнцаў. Упершыню за парты ў краіне сядуць каля 105 тыс. першакласнікаў.

Ва ўрачыстых мерапрыемствах, прымеркаваных да Дня ведаў, прымуць удзел вышэйшыя службовыя асобы, кіраўнікі міністэрстваў і ведамстваў.