Беларусь і Расія за першае паўгоддзе 2024 года павялічылі тавараабарот прадуктаў харчавання і сельгассыравіны

Беларусь і Расія за першае паўгоддзе 2024 года павялічылі тавараабарот прадуктаў харчавання і сельскагаспадарчай сыравіны. Аб гэтым БЕЛТА паведамілі ў Міністэрстве сельскай гаспадаркі і харчавання.

У Маскве прайшла рабочая сустрэча міністра сельскай гаспадаркі і харчавання Беларусі Анатоля Ліневіча і міністра сельскай гаспадаркі Расійскай Федэрацыі Аксанай Лут.

У час сустрэчы было адзначана, што станоўчая тэндэнцыя росту ўзаемнага гандлю ў бягучым годзе захоўваецца.

Так, за студзень – чэрвень 2024 года тавараабарот харчовымі таварамі і сельскагаспадарчай сыравінай арганізацый Рэспублікі Беларусь і Расійскай Федэрацыі склаўся на ўзроўні 107,6 працэнта да аналагічнага перыяду мінулага года.