Старшыня гарвыканкаму сустрэўся з работнікамі “Лама-мэбля”

Прадпрыемства вырабляе прадукцыю не толькі для беларускіх спажыўцоў, але і на экспарт. Тут працуе больш за 80 чалавек. “Лама-мэбля” імкнецца нарошчваць аб’ёмы прадукцыі, асвойваць новыя віды вырабаў і пашыраць наменклатуру, павышаць канкурэнтаздольнасць прадукцыі.

Аляксандр Мікалаевіч азнаёміў працоўны калектыў з перспектывамі развіцця Жодзіна: будаўніцтва жылля, рамонт дваровых тэрыторый, рэканструкцыя трасы Р53, будаўніцтва і рамонт сацыяльных аб’ектаў. Ён зазначыў, што ўсе работы ў горадзе вядуцца паслядоўна, у тым ліку і з удзелам саміх гараджан.

Старшыня гарвыканкама таксама адказаў на пытанні работнікаў прадпрыемства.

Падобныя сустрэчы дапамагаюць інфармаваць людзей аб бягучых праектах і планах развіцця горада, а людзям даюць магчымасць выказаць свае думкі і прапановы.