Лукашэнка па выніках ВДС: зададзены вектар новаму этапу развіцця інтэграцыі па ўсіх напрамках
<з>У ходзе пасяджэння Вышэйшага дзяржсавета Саюзнай дзяржавы (ВДС СД) зададзены вектар новаму этапу развіцця інтэграцыі па ўсіх напрамках. Аб гэтым Прэзідэнт Беларусі Аляксандр Лукашэнка заявіў 26 лютага па выніках пасяджэння ВДС, перадае карэспандэнт БЕЛТА.
“Намі зададзены вектар новаму этапу развіцця інтэграцыі па ўсіх напрамках”, – падкрэсліў беларускі лідар. У прыватнасці, дадзена даручэнне падрыхтаваць Асноўныя напрамкі рэалізацыі палажэнняў Дагавора аб стварэнні СД на чарговы цыкл – 2027-2029 гады.
Аляксандр Лукашэнка папрасіў членаў ВДС, урадаў і парламентаў Беларусі і Расіі, а таксама Пастаяннага камітэта СД узяць на сур’ёзны кантроль выкананне прынятых даручэнняў з максімальнай асабістай уцягнутасцю.
Акрамя таго, Прэзідэнт выказаў удзячнасць усім за сур’ёзную комплексную падрыхтоўку цяперашняга пасяджэння ВДС. Словы ўдзячнасці кіраўнік беларускай дзяржавы адрасаваў таксама прадстаўнікам сродкаў масавай інфармацыі за іх вялікую работу па папулярызацыі інтэграцыйнага парадку дня і рашэнняў, якія прымаюцца на вышэйшым узроўні ў інтарэсах жыхароў Беларусі і Расіі.
Па выніках пасяджэння дзяржаўны сакратар СД Сяргей Глазьеў заявіў журналістам, што вельмі важным пытаннем парадку дня была справаздача аб выкананні Асноўных напрамкаў рэалізацыі палажэнняў Дагавора аб стварэнні СД на 2024-2026 гады.
“Выканана практычна палова ўсіх задач гэтага дакумента. Няма сумненняў, што да канца года будуць выкананы і астатнія, – сказаў дзяржсакратар. – Вельмі важна, што дадзена даручэнне па распрацоўцы Асноўных напрамкаў на наступную трохгодку – 2027-2029 гады. Мы разлічваем, што ўзровень інтэграцыі, узгодненасці нашых палітык ва ўсіх сферах, а таксама супрацоўніцтва не толькі ў эканоміцы, але і ў навукова-тэхнічнай сферы, сацыяльнай, культурнай палітыцы атрымае новы імпульс. Як сказаў Аляксандр Рыгоравіч, адкрываецца новы этап у развіцці нашай інтэграцыі”.
Сяргей Глазьеў расказаў, што ў рамках СД бакі маюць намер і ў далейшым умацоўваць супрацоўніцтва ў галіне бяспекі. Рэалізуюцца чатыры праграмы – у галіне абароны, бяспекі, абмену інфармацыяй, абароны інфармацыі. Ён адзначыў, што мілітарызацыя ля заходніх граніц, безумоўна, выклікае занепакоенасць. “Гэта неабгрунтаваная агрэсіўнасць, эскалацыя напружанасці патрабуе ўмацавання абараназдольнасці. Нашы кіраўнікі дзяржаў аб гэтым гаварылі”, – заявіў дзяржсакратар.
Будзе прадоўжана рэалізацыя і шэрага іншых праграм. Акрамя таго, пачалася рэалізацыя новай – “Саюз-Біямембраны”. Гэта стварэнне доследнага стэнда для праверкі магчымасцей доступу лекавых прэпаратаў у арганізм чалавека, іх праходжання праз клетачную мембрану. Гэта такая сур’ёзная навукова-тэхнічная задача, якая пакуль не мае вырашэння. Будзем спадзявацца, што нашы вучоныя здолеюць на працягу трох гадоў гэту задачу вырашыць, і наша фармацэўтычная прамысловасць атрымае мадэльны стэнд, на якім можна будзе правяраць эфектыўнасць лекавых сродкаў па ўздзеянні на арганізм чалавека на ўзроўні клеткі”, – сказаў дзяржсакратар СД.