Цюльпаны, граматы, усмешкі. У СШ №5 было ўрачыста і ярка: з галоўным вясновым святам віншавалі педагогаў Жодзіна
Жанчыны-настаўнікі могуць быць рознымі: добрымі і строгімі, але яны заўсёды з душой падыходзяць да сваёй справы і ўкладваюць у падрастаючае пакаленне самыя галоўныя жыццёвыя якасці. Дзякуй за вашу працу, і хай у душы заўсёды пануе вясна! – адзначыў у сваім віншаванні кіраўнік горада Аляксандр Цивако і ўручыў педагогам ўзнагароды.
Падзячны віншавальны ліст ад Прэзідэнта Рэспублікі Беларусь Аляксандра Лукашэнкі атрымала настаўніца англійскай мовы СШ № 6 Святлана Каляда.
Таксама кіраўнік горада ўручыў лепшым прадстаўнікам педагагічнай прафесіі граматы і падзякі ўпраўлення па адукацыі Мінаблвыканкама, Жодзінскага гарвыканкама.
Яшчэ шмат узнагарод і цёплых пажаданняў атрымалі сёння педагогі ад Беларускага саюза жанчын, аддзела па адукацыі і спорце, Савета дэпутатаў, прафсаюза, «Белай Русі» і благачыннай Жодзінскай царкоўнай акругі Сергія Чуковіча. Віталі і ветэранаў педагагічнай працы.
Ганна Сцяпанаўна Яфімчык, настаўнік пачатковых класаў СШ № 5, 8 сакавіка сустрэне 90-гадовы юбілей!
Паглядзіце, колькі прыгожых і таленавітых педагогаў сёння атрымалі ўзнагароды і музычныя падарункі!