Бліскучае па. Жодзінскія грацыі паказалі майстэрства на турніры па мастацкай гімнастыцы ” Вальс кветак»
Юныя гімнасткі СДЮШАР Жодзіна бліскалі на « Вальсе кветак». Адкрыты турнір па мастацкай гімнастыцы сабраў спартсменак з Беларусі і Расіі.
Жодзінскія грацыі паказалі майстэрства і вытанчаныя нумары. Залатыя медалі заваявалі Сафія Паўлавец і Сафія Хандрыка, якая ўдастоена яшчэ і спецыяльнага прыза за найвышэйшы вынік у сваёй узроставай катэгорыі.
Узнагароды вышэйшай пробы заваявалі Сафія Паўлавец і Сафія Хандрыка, якой дасталася Кветкавая карона.
У практыкаваннях з мячом сярэбраныя ўзнагароды атрымалі Маргарыта Краўчанка, Таццяна Дыба і Варвара Данькова. За крок ад вышэйшай прыступкі п’едэстала была Кацярына Ляхоўская: у практыкаваннях з булавамі і мячом яна заняла другое месца.
Скарбонку ўзнагарод бронзавымі медалямі за выступленні з абручом і булавамі папоўнілі Агата Каптур і сёстры-блізняткі Дар’я і Аляксандра Барталевіч. Сярод самых старэйшых у практыкаванні са стужкай і булавамі на трэцюю прыступку п’едэстала паднялася Лізавета Шкода.
Віншуем жодзінскіх грацый і трэнера-выкладчыка Святлану сіняк з годнымі вынікамі.