Гарачая лінія па пытаннях правядзення ЦТ працуе ў РІКВ
Гарачая лінія па пытаннях правядзення цэнтралізаванага тэсціравання працуе ў Рэспубліканскім інстытуце кантролю ведаў. Аб гэтым БЕЛТА паведамілі ва ўстанове.
Работа гарачай лініі прадугледжана з 16 па 20 чэрвеня і 22 чэрвеня. Патэлефанаваўшы па нумары 8 (017) 311-00-79, штодзённа з 9.00 да 18.00 можна задаць усе хвалюючыя пытанні аб арганізацыі або правядзенні цэнтралізаванага тэсціравання.
У РІКВ звярнулі ўвагу на тое, што, згодна з пунктам 7 главы 1 палажэння аб парадку арганізацыі і правядзення ЦТ, прэтэнзіі да рэзультату тэсціравання па прычыне невыканання абітурыентам парадку запаўнення бланка адказаў не разглядаюцца.
“СМС з рэзультатамі ЦТ па профільных вучэбных прадметах за 2 чэрвеня будуць адпраўлены сёння з 15.00 да 20.00”, – нагадалі ў Рэспубліканскім інстытуце кантролю ведаў.