Скараціў шлях-заплаці штраф. Жыхары вуліцы Ціміразевай у Жодзіне звярнулі ўвагу на самавольны праезд аўтамабіляў ад крамы ” Будматэрыялы»
«Казіная сцежка „для аўто — менавіта так можна назваць самавольны праезд, які пралягае ад крамы“ Будматэрыялы» на вул.Ціміразева ўздоўж дзіцячай пляцоўкі нядаўна пабудаванага дома.
Як напісаў жыхар мікрараёна, які звярнуўся ў наш чат-бот, некаторы аўтатранспарт, які пад’язджае да гэтай крамы, а таксама і іншыя нядобрасумленныя кіроўцы часцяком скарачаюць шлях і праязджаюць у неўстаноўленым месцы.
«Лічу, гэта зусім недапушчальна ў нашым добраўпарадкаваным горадзе!»- выказаў сваё меркаванне жодзінец.
Калі ішло будаўніцтва, тут працаваў і спецтранспарт.
— Цяпер па праекце да дома выкладзеныя тратуары, а наезджаную тут каляіну мы выраўнялі, — растлумачыў дырэктар падраднай арганізацыі — СУ-161 —Аляксандр Шыла.
Але, паводле яго слоў, парушальнікі працягваюць карыстацца гэтым стыхійным праездам і разбіваюць тратуарную плітку: будаўнікам ужо прыйшлося яе перакладаць.
У аддзяленні ДАІ Жодзінскага ГАУС пракаментавалі, што нарады дарожна-патрульнай службы нададуць асаблівую ўвагу гэтаму пытанню і прыцягнуць парушальнікаў да адказнасці.
Варта нагадаць, што за ўезд на аўтамабільную дарогу агульнага карыстання або з’езд з яе ў неўстаноўленых або неўладкаваных месцах прадугледжаны штраф да 45 руб. (1 БВ, арт. 18.30 ч. 4 КаАП).