У дзіцячай школе мастацтваў адбылася сустрэча калектыву з начальнікам упраўлення культуры Мінаблвыканкама Алай Шахоцькай

У рамках адзінага дня інфармавання «экалагічная культура – адказнасць кожнага» у дзіцячай школе мастацтваў адбылася сустрэча калектыву з начальнікам упраўлення культуры Мінаблвыканкама Алай Шахоцькай і першым намеснікам старшыні Жодзінскага гарвыканкама Наталляй Сушко.

Ала Шахоцька спынілася на актуальных пытаннях абароны навакольнага асяроддзя, забеспячэння экалагічнай бяспекі ў Беларусі і выхавання беражлівых адносін да прыродных рэсурсаў.

У цэнтры ўвагі таксама былі тэмы захавання лясных угоддзяў, прадухілення пажараў і абароны жывёльнага свету.

Наталля Сушко вылучыла тры асноўныя напрамкі:

якасная пітная вада;
абыходжанне з цвёрдымі камунальнымі адходамі;
безнаглядныя жывёлы.
Наталля Міхайлаўна расказала, як яны рэалізуюцца ў нашым горадзе.

У завяршэнне сустрэчы Ала Шахоцька пагутарыла з маладымі спецыялістамі ДШМ.

Таксама яна правяла ў Жодзінскім гарвыканкаме прамую тэлефонную лінію і прыём грамадзян.

Источник: zhodinonews.by